انواع المشي عند البنات...
الاولى:
تلاقي الوحده ماشيه وفاتحه فمها (مفهيه ) ليش مادري الظاهر انها تستمد طاقتها من استنشاق الهوا او يمكن لها مآرب اخرى لا أعرفها
الثانيه..:مشية البنت اللى تمشي وهي مكتفه ايدينها تحس من مشيتها انها ماتبي تتدخل في شوؤن الغير ومالها شغل بالعالم
الثالثه :
البنت اللى تمشي وحاطه يدها على خصرها مادري شنو تبي ؟يعني كأنها بتنط في رقبه اي وحده وبتعطيعها كفلمحترم نصيحه اذا شفتوا وحده ا تمشي جذي لاتمشون قدامها ولا جنبها بس امشوا وراها و اذا عندك هوشه تراها مستعده لطوله اللسان
الرابعه:
البنت اللي تمشي وناسيه ان يدينها يتبعون لها يعني
جسمها في كوكب ويدينها في كوكب ثاني ما تدري وين الله حاطها
الخامسه :
البنت الرقاصه
يعني اللى ترقص في مشيتها مادري سبحان الله ربي عطاها
الهز الطبيعي من دون ادنى ضرب
على الطاوله تقوم ترقص على بالها الحفله بدت
السادسه :
البنت اللى طول ماهي ماشيه محتضنه دفاترها وكتبها تقول هاذي تحضر ماجستير ...ارفقي بعمرك تري العمر يخلص والدراسه ماتخلص
السابعه :
اللى تمشي وتسولف وايدينها تسولف معاها حتى العالم كله يدرون انها راحت المكان الفلاني امس بصراحه عيوني تحولت من كثر ماطالع يدينها وهي تروح يمين وشمال
الثامنه :
البنت اللي تمشي وكأنها تعد شي في الارض طول ماهي ماشيه وراسها في الارض حتى لو شفتها ماعرفتها لانك ماقد شفت ملامحها مادري كل هاذا عشانها مستحيه
موضوع: المشي عند البنات... 
الجمعة سبتمبر 18, 2009 9:56 pm
